Main topics

فبراير 16، 2010

"نيالها اللي بضربوها رجالها"


تسآلت في البداية، لماذا تسمح لأخيها الصغير بضربها وتعنيفيها.. وكان الرد جاهزا
"هيك تربينا.. هيك حال كل البنات في البلد، اخواتي دايما بضربوني وامي كانت تسكت وماتحكي، ويا ويلي اذا اشتكت بترد الرد السريع والجاهز دايما "نيالها الي بضربوها رجالها"، وهيني لساتني عايشة ما متت".

نفس هذا الكلام يردد لابنتها، دائرة من العنف تدور في فلكها غالبية نساء القرية - ان لم يكن جميعهن- الى متى تبقى المرأة معنفة من المرأة نفسها؟ وهل ستبقى العادات السيئة مسيطرة على عقول رجال ونساء المجتمع.

كانت تبكي مذعورة خائفة من أن تخبرني شيئا، ولم تقبل ان اذكر اسمها، وكل هذا الخوف الذي كان ينفض جسدها رعبا من أخ يصغرها سنا، حيث لم يتجاوز عمره الخامسة عشر، وهي تكبره بثلاثة اعوام، وعندما تحدثت معها قالت :

  "يستيقظ متاخراً من نومه، ويبدأ بالصراخ في وجهي اذا لم يكن الفطور جاهزا، ولأن السنة هي آخر سنة لي في المدرسة يتوجب علي الدراسة، وعلى الرغم من هذا، اعمال المنزل تكون مسؤوليتي وحدي. يأتي الى البيت ويرمي اغراضه بشكل عشوائي، ويرفض المساعدة بشيء. وعندما يغضب مني يمسك بشعري ويشده بقوة ويرمني الى الارض، ثم يمسك بالعصا ويبدأ بضربي والصراخ عليّ، وعندما اذهب لأمي لاشتكي لها تقول لي : "معلش يامي هذا بربيكِ ونيالها يامي، نيالها اللي بضربوها رجالها"، فأدخل الى غرفتي لأبكي وحدي ولا اعرف لمن اشتكي".
اذاً، فمن اعطى هذا الشاب الصغير الحق في ضربها؟ وهل ستنقل هذه الزهرة اليانعة نفس الكلام الى ابنتها؟ وهل فعلا كما علمتنا العادات "نيالها اللي بضربوها رجالها" ؟؟  يا للعجب!!!!


هناك 6 تعليقات:

  1. والله ونعم المقوله (نيالها الي بضربوها رجالها )
    انا موضد انا ضد الي بفسر المقوله غلط والي باستخدمها من منطلق اخر ..طيب ايش الفايده من العادات ازا بتظلم ...ايش فايده من الناس الي بتستخدم هذه المقولات لجعلها مبرر ...

    شكرا ميسا على نقل الصوره الي كتير ناس ما بحبو يطرقولها

    ردحذف
  2. اصلن المقولة هاي غلط بحد ذاتها لانو الضرب عمرو ما كان الحل لاي مشكلة ولا عمرو حيكون هاي المقولة منقولة عن اهلنا من زمان وهاي من العادات الغلط الي منتعلمها منهم ولازم نمحيها

    ردحذف
  3. هادا اسمو تخلف اجتماعي لساتنا عايشين فيه وما بعرف لايمتى رح نضل ... والمشكلة الاكبر انو المراة بتكون عدوة المراةو في متل هاي الحالات لانو لما الام بتشوف بنتها بتنضرب او بتغتصب من قبل ابنها او جوزها تحت شعارات مختلفة منها" نيالها اللي بضربوها رجالها" او لانو رجال البيت وبطلعلو يعملاي شي بدو اياه من دون خوف او عقاب هاي بتكون مصيبة كبيرة في المجتمع بتادي لعدة مشاكل نتيجة العادات اجتماعية البالية .. انا بتمنى انو نصل لمرحلة نصير نتعامل مع بعض كبشر .

    ردحذف
  4. فعلا رشا حكيك صحصح والاهم من هيك انو المرأة ما لازم تلتزم بالي ربتها علي امها ازا كان غلط زي ما حكيت قبل انها "دائرة تدور في فلكها جميع نساء القرية " وهذه فعلا مائسة للمجتمع الفلسطيني اذا كنا نريد ان نتحرر ،فيجب ان نبدأبأنفسنا من الداخل لننجح ونتقدم وغير ذلك لنا يساعدنا الى على الرجوع الى الخلف وأعادة اخطاء اجدادنا

    ردحذف
  5. انا معكم فعلا ..الي بدو يغير المجتمع عليه يبلش بحالو اول شي

    ردحذف
  6. نعم صحيح لانه اذا لم يبدأبنفسه سيتلقى الانتقاد سريعا من نفس الشخص الذي سيحاول ان يساعده

    ردحذف