Main topics

ديسمبر 19، 2014

"مزة " لم تعاكس في بيت لحم




   
انك تكوني ماشية بالشارع وما تسمعي حكي وتلطيشات شعور حلو، بتحسي حالك مش بهالبلد . 

عندنا بفلسطين بتلاقي مشكلة المعاكسات والتحرش كبيرة بكل المحافظات والمدن على الرغم بإنها أقل بكتير من بعض الدول العربية المجاورة، وهاي ظاهرة بتعاني منها معظم البنات، لانه من غير الطبيعي إنك تكوني ماشية بالشارع وخايفة إنه حد يعاكسك او يلمسك او يأذيكي بغض النظر إذا كان أذى نفسي أو جسدي ، مشان هيك كلنا بنتمنى إنو هاي الظاهرة تختفي عن الوجود ، وأصيرأذا بدي أمشي بالشارع ما أسمع "مزة" "وصاروخ" "واعطيني ع طواحيني" وأرقام طايرة بالهوى، لأنه وقتها بنكون بلشنا نتطور وبلشنا نرتقي بتفكيرنا  .

 وهاد الي فاجأني في بيت لحم، قلة المعاكسات والحكي بالهوا، ما بعرف اذا تقيمي كان بمحله بس ع الصعيد الشخصي وانطباعي الاول هيك كان، البنت بتمشي بشوارع بيت لحم بكل اريحية بدون ما تحس حالها كائن غريب جاي ع الارض .


ويمكن الشباب الي سألناهم يكون عندهم نفس وجهة النظر ، خلينا نشوف .




ليست هناك تعليقات:

إرسال تعليق